«Ипсвич» «Страсбур» ҳужумчиси Хулио Энсисони трансфер қилиш бўйича принципиал келишувга эришди. Бу ҳақда Sport Witness хабар берди.

Кутилишича, 22 ёшли парагвайлик футболчи яқин соатларда «Ипсвич» ихтиёрига етиб боради ва шундан сўнг тиббий кўрикдан ўтади.

Журналист Маркос Гонсалес маълумотига кўра, трансфер суммаси 27 миллиондан 30 миллион еврогача бўлади. Энсисонинг Англия клуби билан шартномаси эса 2031 йил июнига қадар амал қилиши кутилмоқда.

Ўтган мавсумда ҳужумчи «Страсбур» сафида 42 та учрашувда майдонга тушиб, 12 та гол урди ва 9 та голли узатмани амалга оширди.

Энсисо «Ипсвич» клубини аввалдан яхши билади — у илгари ушбу жамоада ижара асосида тўп сурган.

Шунингдек, футболчи Парагвай миллий терма жамоаси сафида 35 та учрашув ўтказиб, 5 та гол урган.