Журналист Фран Касареттонинг хабар беришича, Лионель Месси отаси Хорхе Мессининг дафн маросимида оиласининг шахсий ҳаёт дахлсизлиги бузилгани учун Аргентина оммавий ахборот воситаларига қарши қонуний чора кўришини (судга беришини) тасдиқлади.

Хорхе билан хайрлашув маросими якшанба куни Росарио шаҳрида бўлиб ўтди. Сўнгги манзилга кузатиш маросими фақат оила аъзолари ва яқин дўстлар даврасида, ёпиқ тарзда ўтказилиши режалаштирилган эди. Бироқ ОАВ вакиллари дафн маросими давомида Месси ва унинг оиласини суратга ва видеога олишган. Кейинчалик ушбу тасвирлар интернетда тарқалиб кетди.

Хорхе Месси узоқ давом этган хасталикдан сўнг 68 ёшида вафот этди.