Ҳужумчи Ферран Торрес яқин вақт ичида "ПСЖ" футболчисига айланиши кутилмоқда. Аввалроқ Париж клуби ва "Барселона" ўртасидаги келишув якунланишига жуда яқин экани хабар қилинган эди.
Испаниянинг Sport нашрига кўра, "ПСЖ" бош мураббийи Луис Энрике Торресдан қандай фойдаланиш бўйича аллақачон режа тузиб қўйган. Мутахассис Жаҳон чемпионатидан кейин таътилда бўлган Ферраннинг ҳолатини ҳисобга олиб, уни дарҳол ўйинларга жалб қилмоқчи эмас.
Режага кўра, Торрес Франция Суперкубоги баҳсини ўтказиб юборади ва илк бор бир ҳафтадан кейин — 23 август куни Лига 1 доирасида "Ренн"га қарши учрашувда майдонга тушиши мумкин.
Қайд этилишича, Луис Энрике Ферран Торреснинг универсаллигини юқори баҳолайди. Испаниялик ҳужумчи ҳужум чизиғининг марказида ҳам, ҳар икки қанотида ҳам ўйнай олади.
