"Манчестер Юнайтед" "Брюгге" ҳужумчиси Николо Тресольдини таркибга қўшиб олиш имкониятини ўрганмоқда. 21 ёшли немис футболчисига "Барселона", "Челси" ва "Тоттенхэм" ҳам қизиқиш билдирмоқда.
TEAMtalk маълумотига кўра, "Юнайтед" Тресольдини дебют мавсумида 12 та гол урган Беньямин Шешкога муносиб рақобатчи сифатида кўрмоқда.
Германия U21 терма жамоаси аъзоси бўлган Тресольди ўтган мавсум клуб миқёсида 23 та гол урган. Унинг трансфер қиймати 45-50 миллион евро атрофида баҳоланмоқда.
Аввалроқ "Рома" форвард учун таклиф юборган, аммо у "Брюгге" талаб қилаётган суммадан паст бўлгани сабабли рад этилган.
"Барселона" эса Тресольдини Хулиан Альваресга муқобил вариант сифатида кўрмоқда. Каталонияликлар Ферран Торрес сотувидан тушадиган маблағни немис ҳужумчисини харид қилишга йўналтириши мумкин.
