Янги Зеландия Футбол ассоциацияси (NZF) 2027 йилда ташкилот конгрессида бўлиб ўтадиган ФИФА президентлиги сайловларида Жанни Инфантино номзодини қўллаб-қувватлаш қарорини қайтариб олганини эълон қилди.
Ушбу қарор ФИФАнинг Жҳон чемпионати тижорат ҳуқуқлари билан боғлиқ лойиҳа доирасида хусусий капитални жалб қилиш режалари бекор қилинганидан кейин қабул қилинди. Бундан ташқари, NZF «FIFA Forward Enterprise» дастурини ишлаб чиқиш жараёни бўйича мустақил суриштирув ўтказишни талаб қилди.
«Бугун ташкилот 2027 йилги конгрессда Жанни Инфантинонинг ФИФА президентлигига номзодини қўллаб-қувватлашини расман қайтариб олишини эълон қилди.
Бундан ташқари, биз «FIFA Forward Enterprise» дастурини ишлаб чиқиш доирасида амалга оширилган ҳаракатлар юзасидан мустақил текширув ўтказилишига эришамиз», — дейилади NZF баёнотида.
