«Манчестер Юнайтед» бош мураббийи Майкл Кэррик ёзги трансфер ойнасининг қолган ҳафталарида таркибни кучайтиришга умид қилмоқда.

The Touchline манбасига таяниб журналист Самуэль Лакхёрстнинг хабар беришича, «қизил иблислар» устози клуб яна икки футболчи билан шартнома имзолашини хоҳламоқда. Мураббийнинг фикрича, жамоага ҳали ҳам янги чап қанот ҳимоячиси ва ярим ҳимоячи зарур.

«Манчестер Юнайтед»нинг устувор нишони Льюис Холл ҳисобланган эди, бироқ «Ньюкасл» латерални сотишдан бош тортди. Шунингдек, Майлз Льюис-Скелли номзоди ҳам кўриб чиқилган эди, аммо манкунианликлар «Арсенал» томонидан белгиланган наршни жуда юқори деб ҳисоблашди. Ярим ҳимоячилар орасида эса Карлос Балеба («Брайтон») ва Орельен Тчуамени («Реал» Мадрид) «МЮ»да қизиқиш уйғотмоқда.