«Ливерпуль» «Пари Сен-Жермен» («ПСЖ») вингери Ибраима Мбайега даъвогарлик қилмоқда. 18 ёшли футболчи кўпроқ майдонга тушиш истагида бўлгани сабаб, жорий трансфер ойнасида парижликлар сафини тарк этиши жуда эҳтимолдан холи эмас. Журналист Ромен Молинанинг хабар беришича, истиқболли сенегаллик футболчи «мерсисайдликлар»нинг шорт-листида бор, аммо у устувор вариант ҳисобланмайди.

«Ливерпуль», шунингдек, «ПСЖ»нинг янада машҳурроқ ҳужумчиси — Брэдли Баркола учун курашда ҳам пешқадамлик қилмоқда. 23 ёшли франциялик футболчи Андони Ираола жамоасига ўтишга аллақачон розилик берган, бироқ Париж грандининг трансфер бўйича талабларини қондириш осон бўлмайди.

Transfermarkt порталида Мбайе ва Барколянинг трансфер қиймати мос равишда 30 ва 90 миллион еврони ташкил этади.