«Манчестер Юнайтед» ярим ҳимоячи Бруну Фернандеш билан хайрлашиш ниятида эмас.
«Қизил иблислар» сардорининг жамоадан кетиши ҳақида миш-мишлар тарқалган эди, бироқ TEAMtalk манбасига таяниб Transfer News Live хабар беришича, клуб жорий трансфер ойнасида ўзининг муҳим ўйинчисини қўйиб юбормоқчи эмас. Жамоа бош мураббийи Майкл Кэррик португалиялик футболчини лойиҳанинг асосий фигураси деб ҳисоблайди. 31 ёшли футболчининг ўзи ҳам жамоада қолаётганидан мамнун.
Бруну Фернандешнинг «Манчестер Юнайтед» билан тузган меҳнат шартномаси кейинги ёзда ўз ниҳоясига етади, аммо унда битимни автоматик тарзда яна бир йилга узайтириш банди мавжуд. Ўтган мавсумда ярим ҳимоячи манкунианликлар таркибида 37 та ўйинда майдонга тушиб, 9 та гол ва 22 та голли узатмани ўз ҳисобига ёздириб қўйган.
