Яқин орада «Барселона» испаниялик ярим ҳимоячи Родри Эрнандес трансфери бўйича «Манчестер Сити»га янги таклиф билан чиқмоқчи. Бу ҳақда таниқли инсайдер Фабрицио Романо ижтимоий тармоқдаги саҳифасида хабар бермоқда.
«Шаҳарликлар» Родрини 50 ва 60 миллион еврога сотишдан бош тортгач, клублар 70 миллион евро атрофидаги сумма бўйича музокара олиб бормоқда. Шу билан бирга, Англия гранди ўз футболчиси учун 80 миллион евро олмоқчи. Романо «Барселона» хотиржамликни сақлаб қолаётганини таъкидламоқда.
Ўтган мавсумда 30 ёшли Родри барча турнирларни ҳисобга олган ҳолда 33 та ўйинда майдонга тушиб, 2 та гол урди.
