«Тоттенхэм» бош мураббийи Роберто Де Дзерби Лондон клубида узоқ вақт қолмоқчи эканини маълум қилди.
Мутахассиснинг фикрича, энг аввало «шпорлар»да аниқ ўйин услуби шаклланиши керак. Эҳтимол, сўнгги йилларда жамоага айнан шу нарса етишмаётган эди.
— Премьер-лига — жуда рақобатдош чемпионат. Бу ерда кўпчилик лойиҳалар ҳақида гапиради, аммо уларни охиригача етказа оладиганлар кам. Биз «Тоттенхэм»да узоқ вақт қолишни ва жамоани чўққига қайтаришни хоҳлаймиз. Аммо битта муваффақиятли трансфер ойнаси бизга дарҳол етакчи клубларга чақирув ташлаш имконини беришига ҳеч қандай кафолат йўқ, — деди Де Дзерби Football Italia нашрига.
Англия чемпионатининг ўтган мавсумида «Тоттенхэм» турнир жадвалида 17-ўринни эгаллаб, хавфли ҳудуддан атиги икки очкога ўзиб кетган эди.
