«Тоттенхэм» ҳимоячиси Кристиан Ромеро «Атлетико» билан битимни якунлаш учун Мадридга жўнаб кетди. Бу ҳақда журналист Фабрицио Романо маълум қилди.
Манба берадиган маълумотларга кўра, 13 август куни оқшомда аргентиналик футболчи ўз агенти билан бирга Испанияга учиб кетган. Яқин орада ўйинчи тиббий кўрикдан ўтиши ва «матрасчилар» билан шартнома имзолаши кутилмоқда.
Хабарларга кўра, Ромеронинг трансфери «Атлетико»га 40 миллион еврога тушади. Ҳимоячи клуб билан 2031 йилгача мўлжалланган меҳнат шартномасини тузади.
Испания Ла Лигасининг янги мавсум биринчи турида «Атлетико» ўз майдонида «Малага»ни қабул қилади. Ўйин 19 август куни бўлиб ўтади ва Тошкент вақти билан соат 23:59 да бошланади.
