The Touchline нашрининг футболчига яқин манбаларга таяниб хабар беришича, Торрес Парижда кўпроқ ўйин амалиётига эга бўламан деган ишонч билан «ПСЖ»га ўтишга қарор қилган.

Испаниялик ҳужумчи «ПСЖ»даги таркиб ротациясини таҳлил қилиб чиқди. У асосий юлдузлар мавсум давомида барча ўйинларда майдонга тушмаслигини, балки муҳим ва ҳал қилувчи баҳсларга тайёрланишини пайқаган.

Ферран Торрес «Барселона» таркибида жами 207 та ўйинда майдонга тушиб, 65 та гол урган ва 23 та голли узатма муаллифига айланган.

Аввалроқ «ПСЖ» Торреснинг трансфери учун 50 миллион евро тўлаши ҳақида хабарлар тарқалган эди.