«Манчестер Сити»нинг бельгиялик вингери Жереми Доку клуб билан шартномасини 2031 йилгача узайтирганидан сўнг, янги бош мураббий Энцо Мареска билан ишлаш ва жамоанинг янги ўйин услуби ҳақида ўз фикрларини билдирди.
Энцо Маресканинг ўйин услуби ҳақида
«Мен Кореядаги ўртоқлик ўйинларини ва бошқа баҳсларни томоша қилдим — ўйин услуби жуда жозибадор. Мен бу тактикани унинг аввалги клубларида ҳам кўрганман ва у менга, айниқса, вингерларнинг агрессив ўйини жуда мос келади. У хавфли вазиятлар яратишда бевосита вингерларга таянади ва ўйинлардан кўриниб турибдики, улар айнан шуни амалга оширишмоқда. Шу сабабли мен ҳам ўз ҳиссамни қўшишга, бор имкониятимни кўрсатишга ва, албатта, мураббий мендан нима талаб қилса, шуни бажаришга ҳаракат қиламан».
Пеп Гвардиола ва янги шартнома ҳақида
«Пеп Гвардиолани у билан бирга ўтказган йилларим билан табрикламоқчиман. Улар ажойиб эди ва мен ундан жуда кўп нарса ўргандим. Биринчи суҳбатимизни жуда яхши эслайман ва ҳозир шу ерда эканим, янги шартнома имзолаётганим ҳам унинг шарофати билан. Ва ҳа, Энцо билан ишлашдан жуда хурсандман», — деди Доку «Манчестер Сити»нинг расмий сайтига берган интервьюсида.
