«Реал Мадрид» ҳужумчиси Килиан Мбаппе 2026/2027 йилги мавсумда жамоанинг муваффақият қозонишига ва янги совринларни ютишига тўлиқ ишонишини таъкидлади.
«Биз ғалаба қозонишимиз керак ва менимча, бу йил совринларни қўлга киритамиз. Жамоамиз олдинги мавқеини қайтара олишига ишончим комил. Бутун мавсум давомида диққат-эътиборимизни бир жойга жамлаймиз», — деди Мбаппе The Touchline нашрига берган интервьюсида.
Эслатиб ўтамиз, Килиан Мбаппе 2024 йилнинг ёзида «Реал Мадрид» сафига келиб қўшилган эди. Ушбу давр мобайнида француз футболчиси «қаймоқранглилар» билан иккита совринни — УЕФА Суперкубоги ва Қитъалараро кубокни қўлга киритди.
