Биз аввалроқ хабар берганимиздек, миллиардер Жефф Безос футболга сармоя киритишга — «Ливерпуль» акцияларини сотиб олишга қарор қилган эди.
Sky Sports News хабар беришича, келишув амалга ошади, аммо Безос акцияларнинг бутун пакетини эмас, балки унинг қарийб учдан бир қисмини қўлга киритади.
Манбага кўра, келишув қиймати тахминан 7 миллиард АҚШ долларини ташкил этади.
Эслатиб ўтамиз, Англия чемпионатининг ўтган мавсумини «Ливерпуль» бешинчи ўринда якунлаган. Англия Премьер-лигасининг янги мавсуми кейинги ҳафта охирида бошланади. «Ливерпуль» мавсумни «Ньюкасл»га қарши учрашув билан бошлайди.
