Мадриднинг «Реал» клуби ва Франция терма жамоаси ҳужумчиси Килиан Мбаппе янги мавсум олдидан машғулотлар юкламаси ҳамда жисмоний ҳолати ҳақида фикр билдирди.

Француз ҳужумчиси «қироллик клуби»нинг ўртоқлик ўйинларини ўтказиб юборган эди, бироқ татилдан сўнг яқиндагина жамоа ихтиёрига қайтди.

«Мен майдонда бор кучимни беришга ва 100% имкониятимни кўрсатишга ҳаракат қиляпман, чунки ҳозир максимал даражада астойдил ва қаттиқ машғулот ўтказадиган вақт.

Кейинчалик, расмий ўйинлар бошлангач, биринчи ўринга тикланиш ва юкламаларни тўғри тақсимлаш чиқади. Мавсум старти олдидан спорт формасини тиклаб олиш ва Ла Лиганинг биринчи ўйинига тўлиқ тайёр ҳолда етиб келиш жуда муҳим», — деди Мбаппе The Touchline нашрига берган интервьюсида.

Эслатиб ўтамиз, 27 ёшли футболчи ўтган мавсумда Испания чемпионатида 25 та гол уриб, турнирнинг энг яхши тўпурарига айланган эди.

«Реал Мадрид» Ла Лиганинг янги мавсумидаги илк ўйинини 22 август куни «Эспаньол»га қарши ўтказади.