«Галатасарой» ҳужумчиси Виктор Осимхен ўзининг бошқа клубга ўтиши мумкинлиги ҳақида тарқалган хабарларга изоҳ берди.

Нигериялик футболчи Туркия чемпионатининг 1-туридан ўрин олган «Чорум»га қарши ўйинда (2:2) дубль қайд этгач, журналистларнинг саволларига жавоб қайтарди.

«Трансфер ойнаси очиқ бўлганида бу каби миш-мишлар доимо пайдо бўлаверади. Мен эса бутун диққат-эътиборимни ўз ишимга қаратганман. Вақти-соати келганда нима бўлишини биргаликда кўрамиз», — деди 27 ёшли футболчи Arsenal Radar нашрига берган интервьюсида.

Сўнгги кунларда лондонлик «Арсенал» Виктор Осимхенни ўз сафига қўшиб олиш бўйича асосий фаворит сифатида тилга олинмоқда. Аввалроқ ҳужумчига «Барселона», «Атлетико», «Манчестер Юнайтед» ҳамда Саудия Арабистони клублари томонидан қизиқиш борлиги ҳақида хабар берилган эди.