Таниқли инсайдер Фабрицио Романо "ПСЖ" вингери Брэдли Барколанинг "Ливерпуль"га эҳтимолий трансфери ҳақида фикр билдирди.
"Қизиллар" француз футболчисига қизиқишни сақлаб турибди, аммо ҳозирча Париж клуби билан трансфер шартлари бўйича келишувга эриша олмаяпти.
"ПСЖ"да ҳозир ҳужум чизиғида олти ёки еттита футболчи бор. Шу сабаб Барколанинг кетиши клуб учун ҳам фойдали бўлади ва молиявий даромад келтиради. "Ливерпуль" эса ўзига керакли футболчини қўлга киритади.
Баркола бир йилдан бери "Ливерпуль"нинг трансфер мақсадлари қаторида. Бу трансфер амалга ошиши эҳтимоли юқори, мен ҳали ҳам бунга ишонаман", — деди Романо.
Миш-мишларга кўра, "ПСЖ" 23 ёшли Баркола учун 150 млн евродан ортиқ маблағ талаб қилмоқда.
Футболчининг ўзи эса "Ливерпуль"га ўтиш вариантини маъқуллаган.
