Англиялик собиқ футболчи Жейми Каррагер Лондоннинг "Арсенал" клуби Майлз Льюис-Скеллини қўйиб юбормаслиги керак, деб ҳисоблайди.
Миш-мишларга ишонадиган бўлсак, чап қанот ҳимоясида ва ярим ҳимояда ўйнай оладиган 19 ёшли футболчи "тўпчилар" сафини тарк этиши мумкин.
— Мен "Арсенал" у билан хайрлашиш ҳақида ҳатто ўйлаб кўришига ҳам ишонмайман. Уни салоҳияти жуда юқори — буни англаш учун унинг шу кунгача эришган ютуқларига қарашнинг ўзи кифоя. Фақатгина ҳақиқатан ҳам ўта иқтидорли футболчигина унинг ёшида бундай даражада тўп сура олади, — деди Каррагер The Overlap подкастида.
Майлз Льюис-Скеллининг амалдаги шартномаси 2030 йилгача мўлжалланган, Transfermarkt порталидаги трансфер баҳоси эса 45 миллион еврони ташкил этади.
