"Манчестер Сити" бош мураббийи Энцо Мареска 18 ёшли Райан Макайду ҳақидаги фикрлари билан ўртоқлашди. Англиялик вингер мавсум олди тайёргарлик жараёнида "шаҳарликлар"нинг янги устозида катта таассурот қолдирди.

— Райан асосий сюрпризлардан бирига айланди — буни ҳеч ким кутмаган эди. У жуда яхши ҳаракат қилди. Менга майдонда шундай тажовузкор бўлган қанот ўйинчилари ёқади. Ўйлашимча, унга биз билан қолгани, асосий таркиб билан тажриба орттиргани, Антуана Семеньо ва Жереми Докудан ўргангани маъқулроқ. Мен "ўрганиш" ҳақида гапирганимда, гап рақибларни алдаб ўтиш маҳорати ҳақида эмас, балки ишга бўлган тўғри муносабат ва машаққатли меҳнат ҳақида бормоқда. Баъзида ёш футболчилар қийинчиликларга дуч келишади: улар аллақачон ҳамма нарсага тайёрман деб ўйлай бошлашади ва фидойилик билан меҳнат қилишни тўхтатишади. Райаннинг ўрганишда давом этаётгани жуда ажойиб, — деди Мареска City Report нашрига.

Макайду "Сити"нинг асосий жамоаси сафида иккита расмий ўйинда майдонга тушишга улгурган — у ўтган Англия Кубоги баҳсларида икки бор захирадан майдонга тушган эди.