"Manchester Siti" bosh murabbiyi Enso Mareska 18 yoshli Rayan Makaydu haqidagi fikrlari bilan o‘rtoqlashdi. Angliyalik vinger mavsum oldi tayyorgarlik jarayonida "shaharliklar"ning yangi ustozida katta taassurot qoldirdi.
— Rayan asosiy syurprizlardan biriga aylandi — buni hech kim kutmagan edi. U juda yaxshi harakat qildi. Menga maydonda shunday tajovuzkor bo‘lgan qanot o‘yinchilari yoqadi. O‘ylashimcha, unga biz bilan qolgani, asosiy tarkib bilan tajriba orttirgani, Antuana Semenyo va Jeremi Dokudan o‘rgangani ma’qulroq. Men "o‘rganish" haqida gapirganimda, gap raqiblarni aldab o‘tish mahorati haqida emas, balki ishga bo‘lgan to‘g‘ri munosabat va mashaqqatli mehnat haqida bormoqda. Ba’zida yosh futbolchilar qiyinchiliklarga duch kelishadi: ular allaqachon hamma narsaga tayyorman deb o‘ylay boshlashadi va fidoyilik bilan mehnat qilishni to‘xtatishadi. Rayanning o‘rganishda davom etayotgani juda ajoyib, — dedi Mareska City Report nashriga.
Makaydu "Siti"ning asosiy jamoasi safida ikkita rasmiy o‘yinda maydonga tushishga ulgurgan — u o‘tgan Angliya Kubogi bahslarida ikki bor zaxiradan maydonga tushgan edi.
