"Челси" футболчиси Педру Нету "Ал-Ҳилол" клубининг қизиқишлари доирасига тушиб қолди. Саудия Арабистони клуби 26 ёшли вингерни ўз сафига қўшиб олишга жиддий даъвогарлик қилмоқда, деб хабар беради инсайдер Фабрицио Романо. "Ал-Ҳилол"нинг шорт-листидан ҳужум қанотининг уч нафар футболчиси ўрин олган бўлиб, португалиялик вингер улардан биридир.
Трансфернинг тақдири "Челси"нинг молиявий талабларига боғлиқ бўлади. Нетуга "Манчестер Сити" ҳам қизиқиш билдирган эди, аммо "шаҳарликлар" белгиланган нархни жуда юқори деб ҳисоблашди. Tаниқли Transfermarkt портали Педрунинг қийматини 60 миллион еврога баҳоламоқда.
"Ал-Ҳилол" Саудия чемпионатининг ўтган мавсумини иккинчи ўринда якунлади. Симоне Индзаги жамоаси янги мавсумни "Ал-Файсали" устидан қозонилган ғалаба (4:2) билан бошлади.
