Аргентиналик юлдуз Лионель Месси МЛС мунтазам чемпионати доирасидаги «Нэшвилл»га қарши учрашувда пенальтини аниқ амалга ошира олмади.

Баҳс «Нэшвилл»нинг 4:1 ҳисобидаги ғалабаси билан якунланди. Учрашувнинг 23-дақиқасида меҳмонлар фойдасига пенальти белгиланган бўлса-да, мезбонлар дарвозабони Мессининг зарбасини қайтарди.

Шу тариқа, аргентиналик футболчи кетма-кет учинчи пенальтини ҳам голга айлантира олмади. У бундан аввал ҳам 2026 йилги жаҳон чемпионатида икки марта пенальтидан унумли фойдалана олмаган эди.

Месси яқинда отасининг вафоти муносабати билан «Интер Майами» сафидаги иштирокини вақтинча тўхтатганди. У Аргентинада бўлиб ўтган жанозада қатнашгани сабабли Лига кубоги доирасидаги «Монтеррей»га қарши ўйинни ўтказиб юборган.

Кейинчалик Месси жамоа сафига қайтди ва иккинчи учрашувини ўтказди, аммо ҳозирча самарали ҳаракатлар билан ажралиб тура олмади.

Мазкур натижадан сўнг «Нэшвилл» 19 та ўйиндан кейин 43 очко жамғариб, Шарқий конференция пешқадами бўлиб турибди. «Интер Майами» эса 19 та баҳсда 38 очко тўплаб, иккинчи ўринни эгаллаб турибди.

Келаси турда «Нэшвилл» сафарда «Нью-Йорк Ред Буллс» меҳмони бўлади. «Интер Майами» эса меҳмонда «Филадельфия»га қарши майдонга тушади.