WhoScored статистик портали 2025/26 йилги Ла Лига мавсуми якунлари бўйича ўртача рейтинглар асосида рамзий жамоани тузди.
Рейтингда энг юқори кўрсаткич "Барселона" вингери Ламин Ямалга тегишли — 8,23 балл. "Реал" ҳужумчиси Килиан Мбаппе 7,70 балл билан кейинги энг юқори натижани қайд этган. Унинг жамоадоши Винисиус Жуниор 7,35 балл олган.
"Барселона"дан Ямалдан ташқари Педри (7,25) ва дарвозабон Жоан Гарсия (7,09) ҳам рамзий таркибга киритилган. "Реал"дан эса Мбаппе, Винисиус ва Жуд Беллингем (7,24) жой олган.
Ла Лиганинг мавсум рамзий жамоаси:
Жоан Гарсия — Андрей Рациу, Флориан Лежён, Кике Салас, Карлос Ромеро — Ламин Ямал, Педри, Жуд Беллингем, Абде Эззалзули — Килиан Мбаппе, Винисиус Жуниор.
Шу тариқа, рамзий жамоада "Барселона" ва "Реал"дан учтадан футболчи ўрин олган. "Райо Вальекано"дан икки, "Севилья", "Эспаньол" ва "Бетис"дан эса биттадан вакил танланган.
