«Бешиктош» президенти Сердар Адали клуб шу ёзда Муҳаммад Салоҳнинг трансферини кўриб чиққанини, бироқ бош мураббий Винченцо Итальяно ва унинг штаби бу ғояга ишонмагани сабабли келишув охир-оқибат барбод бўлганини ошкор қилди.

«Менга Салоҳ вариантини таклиф қилишганда, мураббий ва техник штабни кўндириш учун жуда катта ҳаракат қилдим», — деди Адали.

«Мураббий ва техник штаб (Салоҳни сотиб олишга) унчалик иштиёқ билдиришмади. Бундан ташқари, улар (Салоҳ ва унинг агенти) сўраган шартлар клубимиз тамойилларига мос келмас эди ҳамда трансфер ойнаси бошида белгилаб олган режаларимизга кирмас эди. Шартлар мос келмагач, биз ортга чекиндик», — дея қўшимча қилди у.

Адали, шунингдек, Салоҳни сотиб олиш Итальяно томонидан махсус сўралган Душан Влаҳовични жамоага олиб келиш режаларига таъсир қилиши мумкинлигини тушунтирди.

«Агар Салоҳ билан шартнома имзолаганимизда, мураббий хоҳлаган Влаҳовични олиб кела олмаган бўлардик. У сўраган трансферни амалга оширганимдан жуда хурсандман», — деди у.

«Бешиктош» президенти янги келиб қўшилган футболчилар Леандро Троссард ва Александр Нюбель манзилига ҳам мақтов сўзларини айтди ҳамда клуб келажакни қуришдан кўра, жорий мавсумда совринлар ютишни мақсад қилганини таъкидлади.