«Челси» бош мураббийи Хаби Алонсо «Реал Сосьедад»га қарши ўртоқлик учрашувидаги (3:1) ғалабадан сўнг ўз таассуротлари билан ўртоқлашди.

«Бу мавсумга тайёргарлик доирасидаги жуда яхши ва охирги ўйин бўлди. Баъзи футболчилар учун у бир вақтнинг ўзида мавсум олдидаги биринчи ва охирги учрашувга айланди.

Ўйинда яхши вазиятлар ҳам, яхшилашимиз керак бўлган жиҳатлар ҳам бўлди. Бу босқичда бу нормал ҳолат.

Бутун жамоанинг охир-оқибат бир жойга йиғилгани жуда соз бўлди. Баъзи ўйинчилар 3 кунлик машғулотлардан сўнг майдонда 60 дақиқа ҳаракат қилишди. Бу охирги синов эди. Энди «Фулхэм»га қарши ўйинга тайёргарлик кўриш учун олдимизда бутун бир ҳафта бор, лекин стадиондан олинган таассуротлар жуда ижобий.

Янги уйимни илк бор ҳис қилиш ҳаяжонли кечди. Ишқибозлар жамоани, янги мураббийлар штабини ва шахсан мени жуда иссиқ кутиб олишди, шу сабабли жуда хурсандман.

Биз мухлислар билан яхши алоқа ўрнатишни ва уларнинг қўллаб-қувватлашини ҳис қилишни истаймиз. Уларга чиройли футбол намойиш этиб, эвазига улардан энергия олмоқчимиз. Стадиондаги ажойиб муҳит жамоа учун катта суянч бўлади», — деди Алонсо.