Ҳужумчи Жошуа Зиркзее ушбу ёзда «Манчестер Юнайтед»ни тарк этиши мумкин. Бу ҳақда Экрем Конур хабар бермоқда.

Манба маълумотларига кўра, нидерландиялик футболчи «Ювентус» билан музокаралар олиб бормоқда. «Қизил иблислар» Зиркзеега ўринбосар сифатида «Фрайбург» ва Хорватия терма жамоасининг 23 ёшли ҳужумчиси Игорь Матанович номзодини кўриб чиқишмоқда.

Ўтган мавсумда Матанович Немис клуби сафида 50 та ўйинда майдонга тушиб, 15 та гол урди ва 4 та голли узатмага муаллифлик қилди. Унинг амалдаги шартномаси 2029 йилнинг 30 июнига қадар мўлжалланган.