«Рома» «Лион» вингери Малик Фофана трансфери бўйича Франция клубига расмий таклиф юборди.
Tuttomercatoweb хабарига кўра, римликлар футболчи учун 40 миллион евро тўлашга тайёр, шунингдек, келишувда қўшимча бонуслар ҳам назарда тутилган. Италия клуби яқин орада «Лион» билан якуний келишувга эришишга умид қилмоқда.
Шу билан бирга, «Рома»нинг бу борада рақобатчиси бор. Рақобатга «Галатасарой» қўшилган бўлиб, Туркия клуби футболчига шахсий шартнома бўйича манфаатлироқ шартларни таклиф қилишга тайёр.
Фофана 2024 йилнинг январь ойидан бери Франция клуби шарафини ҳимоя қилиб келмоқда. Унинг бозор қиймати 30 миллион еврога баҳоланмоқда.
