«Roma» «Lion» vingeri Malik Fofana transferi bo‘yicha Fransiya klubiga rasmiy taklif yubordi.
Tuttomercatoweb xabariga ko‘ra, rimliklar futbolchi uchun 40 million yevro to‘lashga tayyor, shuningdek, kelishuvda qo‘shimcha bonuslar ham nazarda tutilgan. Italiya klubi yaqin orada «Lion» bilan yakuniy kelishuvga erishishga umid qilmoqda.
Shu bilan birga, «Roma»ning bu borada raqobatchisi bor. Raqobatga «Galatasaroy» qo‘shilgan bo‘lib, Turkiya klubi futbolchiga shaxsiy shartnoma bo‘yicha manfaatliroq shartlarni taklif qilishga tayyor.
Fofana 2024 yilning yanvar oyidan beri Fransiya klubi sharafini himoya qilib kelmoqda. Uning bozor qiymati 30 million yevroga baholanmoqda.
