«Зенит»нинг собиқ ярим ҳимоячиси Аксель Витсель фаолиятини Франция чемпионатида давом эттириши мумкин.

L’Équipe нашрининг хабар беришича, «Ницца» 37 ёшли бельгиялик футболчи билан дастлабки келишувга эришди. Томонлар бир мавсумга мўлжалланган ва яна бир йилга узайтириш имконияти кўзда тутилган шартномани муҳокама қилишмоқда. Футболчи дўшанба куни клуб ихтиёрига етиб келиши кутилмоқда.

Витсель «Жирона»дан кетгач, эркин агент мақомида бўлиб турибди. Ўтган мавсумда у Испания чемпионатида 32 та ўйинда майдонга тушган эди.

«Ницца» Лоран Абержель тиззасининг хочсимон боғламини йиртиб олганидан сўнг ярим ҳимоячи қидирувини фаоллаштирди.

Витсель 2012 йилдан 2016 йилгача «Зенит» шарафини ҳимоя қилган. Санкт-Петербург жамоаси таркибида бельгиялик футболчи Россия чемпиони бўлган, шунингдек, мамлакат Кубоги ва Суперкубогини қўлга киритган.