"Рома" ҳужумчиси Жервиньо якшанба куни "Лацио"га қарши кечадиган Рим дербиси тўғрисида гапириб ўтди.
"Бу ўйинда бизни нима кутаётганини биламан. Мавсум ҳали бошланмасидан мухлисларимиз бу ҳақда гапира бошлагандилар.
Менга "Лилл", "Арсенал" таркибида турли дербиларда иштирок этиш насиб этган, аммо бу сафаргиси улардан анча қизғин ўтса керак.
Мухлислардан бизни қўллаб-қувватлашни сўраб қолардим. Жавоб сифатида эса биз ғалаба учун бор кучимиз билан ўйнаймиз", деди Жервиньо.