«Арсенал» сардори Мартин Эдегор Англия Суперкубогидаги ғалабадан сўнг жамоа ўйинига юқори баҳо берди.
Лондонликлар соврин учун баҳсда «Манчестер Сити»ни 3:0 ҳисобида мағлуб этди.
«Биз ажойиб футбол намойиш этдик. Бу жуда яхши ўйин ва мавсумни бошлаш учун ажойиб усул бўлди.
Мен доимо жамоага имкон қадар кўпроқ ёрдам беришни хоҳлайман — гол уриш ва голли узатмалар амалга ошириш орқали. Янада кўпроқ гол уришни истайман.
Бугун биз ўз даражамизни кўрсатдик. Тайёр эканимизни исботладик. Биз жуда жиддий кайфиятдамиз ва яна шуни такрорлашни хоҳлаймиз. Курашмоқчимиз, яна ғалаба қозонмоқчимиз. Бундай ҳис қанчалик ёқимли эканини билсангиз, уни яна такрорлашни истайсиз.
Биз барча совринларни ютишни хоҳлаймиз», — деди Эдегор TNT Sports нашрига берган интервьюсида.
