«Милан» клубининг собиқ бош мураббийи Фабио Капелло клуб раҳбарияти франческо Камардага кўпроқ ишонч билдириши лозимлигини ва ёш футболчига ўз маҳоратини кўрсатиш учун имконият берилиши кераклигини таъкидлади.
«Камардада катта салоҳият кўряпман. У яхши ҳаракат қилади ва тўп билан сифатли ишлайди. Унга муносиб имконият бериш вақти келди. Аллегри ҳам унга ишонган эди. Жасурроқ бўлиш ва ўйинчиларни “захирада чиритиб юбормаслик” керак», — деди Фабио Капелло pianetamilan.it нашрига.
Эслатиб ўтамиз, Италия А Сериясининг янги мавсуми шу ҳафта охирида бошланади. Биринчи турда «Милан» Туринда «Торино»га қарши баҳс олиб боради.
