Италиянинг «Наполи» клуби «Ноттингем Форест»даги унчалик омадли кечмаган ижарадан сўнг жамоага қайтган Лоренцо Лукка учун янги клуб излашда давом этмоқда. Аввалроқ Лукка Римнинг «Лацио» клубига ўтиши мумкинлиги ҳақида хабар берилган эди, аммо энди яна бир вариант — «Женоа» пайдо бўлди.
Генуя клуби майдонда соф «тўққизлик» позициясида ўйнайдиган ҳужумчига эҳтиёж сезмоқда, Лукка эса айнан шу амплуада ҳаракат қилади. Бироқ якуний қарор трансфер ойнасининг охирига яқин қабул қилиниши кутилмоқда.
Шунингдек, «Женоа»нинг шорт-листида «Милан»да ишлари юришмаётган мексикалик форвард Сантьяго Хименес номзоди ҳам бор, деб хабар беради calcionapoli1926.it.
