Родрининг «Барселона»га трансфери амалга ошса, у «Манчестер Сити» тарихида энг катта маблағ эвазига сотилган иккинчи футболчига айланади.
Бонуслар ҳам қўшиб ҳисобланганда, келишувнинг умумий қиймати 65,4 млн фунтга етиши мумкин. Бу борада рекорд 2024 йилда 82 млн фунт эвазига «Атлетико»га ўтган Хулиан Альваресга тегишли.
«Манчестер Сити»нинг энг қиммат сотувлари:
- Хулиан Альварес — «Атлетико», 82 млн фунт;
- Родри — «Барселона», 65,4 млн фунт;
- Ферран Торрес — «Барселона», 55,2 млн фунт;
- Лерой Сане — «Бавария», 54,8 млн фунт;
- Раҳим Стерлинг — «Челси», 47,5 млн фунт;
- Габриэл Жезус — «Арсенал», 45 млн фунт.
Кўрсатилган суммалар эҳтимолий бонусларни ҳам ўз ичига олади. Родрининг натижаси эса трансфер тўлиқ расмийлаштирилган тақдирдагина клуб статистикасига киритилади.
