«Барселона»нинг венгриялик дарвозабони Арон Яакобишвили «Альмерия» футболчисига айланди. Бу ҳақда инсайдер Фабрицио Романо хабар берди.
Томонлар ижара шартномасини расмийлаштирди. Келишувга 2027 йилдан бошлаб футболчининг трансфер ҳуқуқларининг 50 фоизини сотиб олиш имконини берувчи банд киритилган.
Яакобишвили янги жамоаси билан шартнома имзолаб бўлди. Шу тариқа, ёш дарвозабон кўпроқ ўйин амалиётига эга бўлиш мақсадида фаолиятини «Альмерия» сафида давом эттиради. «Барселона» эса унинг трансфер ҳуқуқларининг бир қисмини ўзида сақлаб қолиши мумкин.
