"Челси" ҳаммулкдорлари Тодд Боэли ва Марк Уолтер клубдаги акцияларини сотишни режалаштирмоқда. Бу ҳақда Financial Times хабар берди.
Манба маълумотига кўра, "кўклар" акциядорлари ўз улушларини клубнинг мажоритар эгаси ҳисобланган Clearlake компаниясига сотиш бўйича музокара олиб бормоқда. Аввалроқ Clearlake "Челси" акцияларининг қарийб 60 фоизига эгалик қилиши хабар қилинган эди.
Боэли ва Уолтер 2022 йилда "Челси"ни Роман Абрамовичдан 2,5 млрд фунт стерлингга сотиб олган инвесторлар гуруҳи таркибига кирган. Кейинги йилларда икки бизнесмен билан Clearlake ўртасида клубни ривожлантириш стратегияси борасида бир неча бор келишмовчиликлар юзага келган.
Музокаралар Марк Уолтер бошқа йирик активларини ҳам сотишга ҳаракат қилаётган бир пайтда кечмоқда. Унинг бизнес империяси тартибга солувчи идоралар томонидан кучайтирилган назорат остида экани қайд этилмоқда.
66 ёшли америкалик бизнесмен яқинда НБАнинг "Лейкерс" клубини рекорд 12 млрд долларга сотгани ҳам хабар қилинган эди.
