«Манчестер Юнайтед» «Галатасарой» ҳужумчиси Виктор Осимхенни ўз сафига қўшиб олишга қизиқиш билдирмоқда. Бу ҳақда Football FanCast хабар берди.
Манба маълумотига кўра, «қизил иблислар» нигериялик футболчининг эҳтимолий трансфери имкониятини ўрганиб чиққан. Осимхеннинг ўзи ҳам Англия клубига ўтиш масаласида ўз позициясини билдирган.
Қайд этилишича, ҳужумчи «Манчестер Юнайтед» сафига қўшилишга қарши эмас ва бундай трансфер вариантини ижобий баҳоламоқда.
Виктор Осимхеннинг «Галатасарой» билан амалдаги шартномаси 2029 йил ёзига қадар мўлжалланган.
Transfermarkt портали ҳужумчининг бозор қийматини 75 млн еврога баҳоламоқда.
