Германиянинг «Вердер» клуби «Вест Хэм» ҳужумчиси Никлас Фюллькругни ижарага олишга жуда яқин турибди. Бу ҳақда Sky Germany нашри хабар бермоқда.
33 ёшли форвард дүйшанба оқшомида Германияга учиб кетиши ва сешанба куни тиббий кўрикдан ўтиши кутилмоқда.
Фюллькруг Бремен клуби либосини қайта кийиш учун маошининг сезиларли даражада камайишига ҳам рози бўлган. У «яшил-оқлар» шарафини 2019 йилдан 2023 йилгача ҳимоя қилган, шундан сўнг Дортмунднинг «Боруссия»сига, кейинчалик эса 27 миллион евро эвазига «Вест Хэм»га ўтган эди. Ҳужумчининг лондонликлар билан амалдаги шартномаси 2028 йилгача мўлжалланган.
Ўтган мавсумда германиялик футболчи «Вест Хэм» (9 ўйин, 0 гол) ва ижара асосида «Милан» (20 ўйин, 1 гол) сафида ҳаракат қилган.
