«Манчестер Юнайтед» яримҳимоячиси ва жамоа сардори Бруну Фернандеш клубни тарк этиш ниятида эмас.

Журналист Лори Уитвеллнинг хабар беришича, Туркиянинг «Галатасарoй» клуби португалиялик футболчига йилига 20 миллион евро маош таклиф қилган. Аммо Бруну Туркияга кўчиб ўтишни режалаштирмаяпти — у «қизил иблислар» сафида ўйнашда давом этмоқчи. «Манчестер Юнайтед» раҳбарияти ҳам ўз сардорини қўйиб юбормоқчи эмас ва томонлар янги шартнома имзолаш бўйича музокараларни давом эттиришмоқда.

Бруну Фернандеш 2020 йилнинг январь ойидан бери «Манчестер Юнайтед» шарафини ҳимоя қилиб келмоқда. 31 ёшли футболчининг манчестерликлар билан амалдаги шартномаси келаси йилнинг ўрталаригача мўлжалланган.

Эслатиб ўтамиз, «Манчестер Юнайтед» АПЛ доирасидаги навбатдаги ўйинини 22 август куни сафарда «Халл Сити»га қарши ўтказади.