Бугун Суперлиганинг 18-тур марказий баҳсида севимли «Нефтчи» жамоамиз сафарда «Бухоро» клуби меҳмони бўлади. Мазкур учрашув иккала жамоа учун ҳам турнир жадвалида катта аҳамиятга эга. Фарғоналиклар чемпионлик йўлида пешқадамликни мустаҳкамлаш ва турнир жадвалидаги устунликни сақлаб қолиш учун майдонга тушади. Майдон эгалари ҳам совринли ўринлар учун курашмоқда.

Статистик маълумот

«Бухоро» ҳамда «Нефтчи» жамоалари Ўзбекистон миллий чемпионати доирасида шу кунга қадар 57 марта расмий учрашувларда иштирок этишган. Буларнинг 15 тасида «Бухоро» ғалаба қозонган, 5 та ўйинда муроса кўчасини танлашган ва 37 та баҳсда «Нефтчи»нинг қўли баланд келган. Умумий тўплар нисбати 51:107 — фарғоналиклар фойдасига.

Энг йирик ғалабалар

18.05.1999

«Бухоро» — «Нефтчи» 4:1

04.09.1999

«Нефтчи» — «Бухоро» 5:0

Бухорода қайд этилган охирги 5 учрашув натижалари

07.11.2025

«Бухоро» — «Нефтчи» 1:1

21.04.2023

«Бухоро» — «Нефтчи» 2:2

19.07.2018

«Бухоро» — «Нефтчи» 0:0

07.04.2017

«Бухоро» — «Нефтчи» 3:0

16.08.2016

«Бухоро» — «Нефтчи» 2:0

Эслатиб ўтамиз, «Бухоро» — «Нефтчи» учрашувини Фирдавс Норсафаров бошчилигидаги ҳакамлар гуруҳи бошқариб боради. Беллашув соат 20:00 да бошланади.