"Барселона"нинг айрим футболчилари Ферран Торреснинг клубни тарк этиш жараёнидан норози бўлган.
Хабарларга кўра, жаҳон чемпионатидан кейин унинг тутган йўли жамоадошларига маъқул келмаган. Айрим футболчилар Ферраннинг кетиш ҳақидаги қарорига олдиндан хабардор бўлмаган ва унинг телевидениеда айтган гапларидан ҳайратда қолган.
Ферран турнирдан кейин "Барселона" унга янги шартнома таклиф қилиш орқали ишончини кўрсатиши кераклигини айтган ва бу баёнот мухлислар орасида ҳам муҳокамаларга сабаб бўлган.
Кейинчалик 26 ёшли ҳужумчи "ПСЖ"га ўтди ва Париж клуби билан беш йиллик шартнома имзолади. Трансфер қиймати тахминан 50 млн еврони ташкил этган. Ферран "Барселона" сафида 207 ўйинда 65 та гол урган.
