Бельгия клуби шу ёзда чап қанот ҳимоячиси Хоакин Сейсни сотиш ниятида эмас. «Брюгге» ҳатто Кристос Цолиснинг «Арсенал»га трансфери (34 миллион фунт) каби рекорд даражадаги таклиф тушса ҳам, уни рад этишга тайёр.

«Манчестер Юнайтед» ҳозирча 21 ёшли бельгиялик футболчи бўйича расмий таклиф билан чиқмаган, бироқ унга «Арсенал», «Астон Вилла», «Ньюкасл», «Бенфика» ва «Порту» клублари томонидан ҳам қизиқиш бор. Сейснинг амалдаги шартномаси якунланишига яна уч йил бор.

«Юнайтед» Льюис Холлни қўлга киритишдаги муваффақиятсиз уринишлардан сўнг чап қанот ҳимоячиси изламоқда.