"Барселона" Родри ва Жоау Канселуни ўз сафига қўшиб олиш бўйича ишларини якунлаш арафасида.

Аввалроқ Испаниялик ярим ҳимоячи Родри "Манчестер Сити"дан "Барселона"га бонуслар билан бирга 76,5 миллион евро эвазига ўтиши хабар қилинганди. Португалиялик ҳимоячи Жоау Канселу эса "Ал-Ҳилол" билан шартномасини бекор қилганидан сўнг каталонияликлар сафига эркин агент сифатида қўшилиши кутилмоқда.

Mundo Deportivo маълумотига кўра, бугун эрталаб ҳар икки футболчи "Барселона" учун тиббий кўрикдан ўтган.

Каталония клуби Родрини бугуннинг ўзида клуб офисида ёпиқ тадбир доирасида таништиришни режалаштирмоқда. Ярим ҳимоячини "Камп Ноу"да расман тақдим этиш варианти ҳам кўриб чиқилган, аммо стадионда давом этаётган қурилиш ишлари билан боғлиқ қийинчиликлар сабаб бу режадан воз кечилган.