Миср терма жамоаси бош мураббийи Ҳуссам Ҳассан кафелардан бирида собиқ ва ҳозирги рафиқалари ўртасида юз берган жанжал вақтида ҳушидан кетди. Бу ҳақда Al Arabiya хабар берди.
Манба маълумотига кўра, икки аёл ўртасида аввал можаро келиб чиққан, кейин эса вазият муштлашувга айланган. Кафе мижозлари полиция чақирган.
Жанжал оқибатида ҳар икки аёл турли жароҳат ва лат ейишлар олган. 60 ёшли Ҳуссам Ҳассан эса вазиятни назоратга ола олмай, қаттиқ ҳаяжон сабаб ҳушидан кетган.
Кейинроқ мураббийнинг иккинчи рафиқаси адвокати Ҳассан биринчи турмуш ўртоғи билан ажрашганини маълум қилди. Мураббийнинг биринчи никоҳидан уч нафар фарзанди бор.
Ҳуссам Ҳассан 2024 йилдан буён Миср миллий жамоасини бошқариб келмоқда. Унинг қўл остида жамоа 2026 йилги жаҳон чемпионатининг 1/8 финалига қадар етиб борди ва бу босқичда Аргентинага 2:3 ҳисобида мағлуб бўлди.
