"Галатасарой" "РБ Лейпциг" ҳужумчиси Конрад Хардерни ижарага олиш имкониятини кўриб чиқмоқда.
Sky Germany журналисти Флориан Плеттенберг маълумотига кўра, Туркия клуби 21 ёшли футболчини кейинчалик сотиб олиш ҳуқуқи билан ижарага олмоқчи.
Мауро Икарди жамоани тарк этганидан кейин "Галатасарой" янги марказий ҳужумчи излаш ишларини тезлаштирган ва бир нечта номзодни рўйхатга киритган.
Хардер ўтган ёзда "Спортинг"дан "РБ Лейпциг"га кўчиб ўтган, аммо Германиядаги дебют мавсуми унчалик омадли кечмади. Даниялик футболчи Бундеслигада 29 та ўйинда 3 та гол ва 3 та голли узатма қайд этди.
Манбага кўра, Хардер "Галатасарой"га ўтишга қарши эмас. Энди якуний қарор "РБ Лейпциг" раҳбариятига боғлиқ.
