"Galatasaroy" "RB Leypsig" hujumchisi Konrad Xarderni ijaraga olish imkoniyatini ko‘rib chiqmoqda.

Sky Germany jurnalisti Florian Plettenberg ma’lumotiga ko‘ra, Turkiya klubi 21 yoshli futbolchini keyinchalik sotib olish huquqi bilan ijaraga olmoqchi.

Mauro Ikardi jamoani tark etganidan keyin "Galatasaroy" yangi markaziy hujumchi izlash ishlarini tezlashtirgan va bir nechta nomzodni ro‘yxatga kiritgan.

Xarder o‘tgan yozda "Sporting"dan "RB Leypsig"ga ko‘chib o‘tgan, ammo Germaniyadagi debyut mavsumi unchalik omadli kechmadi. Daniyalik futbolchi Bundesligada 29 ta o‘yinda 3 ta gol va 3 ta golli uzatma qayd etdi.

Manbaga ko‘ra, Xarder "Galatasaroy"ga o‘tishga qarshi emas. Endi yakuniy qaror "RB Leypsig" rahbariyatiga bog‘liq.