«Интер» «Ливерпуль» ярим ҳимоячиси Кёртис Жонс учун 30 миллион евро миқдорида таклиф тайёрламоқда, дея хабар берди La Gazzetta dello Sport.

Манба маълумотига кўра, англиялик футболчи Милан клубининг асосий трансфер мақсадларидан бири бўлиб қолмоқда. «Интер» трансфер ойнасининг сўнгги қисмида Жонсни ўз сафига қўшиб олиш учун яна бир уринишни амалга оширишни режалаштирмоқда.

25 ёшли англиялик футболчининг «Ливерпуль» билан амалдаги шартномаси 2027 йилга қадар мўлжалланган. Transfermarkt портали унинг бозор қийматини 35 миллион еврога баҳоламоқда.

Ўтган мавсумда Кертис Жонс барча мусобақалар доирасида 49 та учрашувда майдонга тушиб, 3 та гол урди ва 3 та голли узатмани амалга оширди.