Карлес Пуйоль Ламин Ямалда Испания терма жамоаси ва "Барселона"га яна кўплаб совринлар олиб келиш учун барча зарур сифатлар бор, деб ҳисоблайди.
"Ламин атрофида жуда кўп хабарлар тарқалмоқда. Мен уни хотиржам, мақсадга интилувчан ва оёғи ердан узилмаган футболчи сифатида кўряпман. Унда катта мақсадлар бор. Бироқ биз унга Жаҳон чемпионати ва муҳим совринларни қўлга киритган бўлса-да, футболчи сифатида ривожланишда давом этиши ва коллекциясига янада кўпроқ титуллар қўшишга интилиши кераклигини тушунтиришимиз лозим.
Унда ҳамма нарса бор. Испания терма жамоаси жуда ёш ва унинг келажаги порлоқ. Бир марта Жаҳон чемпионатини ютиш яхши, икки марта ғолиб чиқиш эса ақл бовар қилмас натижа. Агар буни амалга оширишга қодир авлод бўлса, у ҳам бизнинг ҳозирги авлодимиз. Мен Ламинни айнан шу мақсад сари руҳлантиришга ҳаракат қилган бўлардим", — деди "Барселона" ва Испания терма жамоасининг собиқ ҳимоячиси.
