"Барселона"нинг собиқ футболчиси Карлес Пуйоль Лионель Мессининг Аргентина терма жамоаси сафида 2026 йилги жаҳон чемпионатидаги иштироки ҳақида фикр билдирди.
"Интер Майами" ҳужумчиси мусобақада 8 та гол уриб, 4 та голли узатмани амалга оширди. Аргентина терма жамоаси эса финалда Испанияга 0:1 ҳисобида имкониятни бой берди.
"Месси қилган иш ақл бовар қилмас даражада. У етакчи ва Аргентина терма жамоаси айнан Лионель туфайли финалга чиқди, чунки жамоа мусобақа давомида барқарор ўйин кўрсата олмади. Мен учун у тарихдаги энг яхши футболчи ва фаолиятини энди бошлаётган барча ёш ўйинчилар учун намуна", — дея Пуйольнинг сўзларини Marca келтиради.
Пуйоль, шунингдек, Мессининг отаси вафот этганидан кейин аргентиналик футболчини қўллаб-қувватлади. Собиқ ҳимоячи Лионелни ижобий фикрлашга ҳаракат қилишга чақирди.
Жорий йилнинг июнь ойида жаҳон футболи афсонаси 39 ёшга тўлди.
